ខេត្តបន្ទាយមានជ័យ៖ នៅក្នុងការផ្សាយមួយបានឲ្យ ដឹងថា ចាប់តាំងពីលោក ស្រេង សុផល កាន់តំណែងជាអភិបាលក្រុងសិរីសោភ័ណមក ឃើញថាមានការរីកចំរើន ជាពិសេសកែលម្អក្រុងឲ្យមានសោភាពស្រស់ស្អាតដើម្បីទាក់ទាញភ្ញៀវទេសចរណ៍ កសាងសមទ្ធិផលនានា ដូចជាហេដ្ឋារចនាសម្ព័ន្ធ ផ្លូវថ្នល់ ប្រព័ន្ធលូជាដើម ដោយលោកតែងតែចុះជាប់ជាមួយប្រជាពលរដ្ឋជាប្រចាំ ដើម្បីចង់ដឹងពីសុខទុក្ខ ការលំបាក ខ្វះខាតយ៉ាងណាដើម្បីមានលទ្ធភាពជួយ និងរាយការណ៍បន្តដល់ថ្នាក់ ដឹកនាំ ។
(ហេតុអ្វីបានដឹងប្រជាពលរដ្ឋសូមអន្តរាគមន៍តាំងពីឆ្នាំ 2023 លោកមិនដោះស្រាយ?)
ជាក់ស្តែងថ្មីៗនេះ លោកបានដឹកនាំក្រុមការងារមូលដ្ឋានចុះសម្របសម្រួលជាមួយប្រជាពលរដ្ឋ និងម្ចាស់ដី ក្នុងការបើកផ្លូវមួយខ្សែតាមសំណូមពររបស់ប្រជាពលរដ្ឋ ២០គ្រួសារ ដែលបានស្នើសុំបើកផ្លូវសាធារណៈទទឹងទំហំ៨ម៉ែត្រ ចាប់ពីចំណុចខាងត្បូងជាប់នឹងរបងអង្គការកុមារមេគង្គ រហូតដល់ផ្លូវឡើងទៅផ្លូវទ្រខ្មែរ ពី មុនមកទីតាំងនេះពុំមានផ្លូវឡើយ ហើយប្រជាពលរដ្ឋ និងម្ចាស់ដី ក៏បានស្ម័គ្រចិត្តបរិច្ចាគដី និងរុះរើរបងថ្មរឹង មាំដោយយកគ្រឿងចក្រវាកម្ទេចចោល ដើម្បីប្រជាពលរដ្ឋងាយស្រួលក្នុងការធ្វើដំណើរ ពិសេសសិស្សានុសិស្សចេញចូលទៅសាលារៀន។
ករណីដែលលោកចៅហ្វាយក្រុងឡើងនេះ ផ្ទុយពីអ្វីដែលប្រជាពលរដ្ឋសុំលោកចៅហ្វាយក្រុងធ្វើ អន្តរាគមន៍តាំង ពីឆ្នាំ 2023 មក ប៉ុន្តែមិនទទួលបានលទ្ធផលដូចការរំពឹងទុកនោះឡើយ។ ទើបតែថ្មីៗនេះនៅពេលដែលរឿង រ៉ាវត្រូវបានធ្លាក់ដល់ដៃអ្នកកាសែត ទើបម្ចាស់គេហដ្ឋាននៃបណ្ដាជនអ្នកធំទាំងឡាយនោះ បានសម្រេចវ៉ៃរបងផ្ទះចោលហើយបើកផ្លូវឡើងវិញ។ នេះមិនគឺជាអ្វីដែលលោកចៅហ្វាយក្រុងលើកឡើងក្នុងបំណងជួយបិទបាំងចំណុចអវិជ្ជមានប្រុងលេបផ្លូវនៃបណ្ដាជនអ្នកធំនៅក្នុងក្រុងសិរីសោភ័ណ្ឌធ្វើរបងបិទផ្លូវនោះទេឬ?
ជាងអ្នកទៅទៀតបើតាមលោកផែង វណ្ណៈ ផ្លូវដែលប្រជាពលរដ្ឋស្នើសុំបើកតាំងពីឆ្នាំ 2023 មកនោះគឺមាននៅក្នុងប្លង់មេត្រឹមត្រូវដែលទទួលស្គាល់និងចេញដោយមន្ទីរដែលដីនគរូបនីយកម្មនិងសំណង់។ ហេតុអ្វី បានជាលោកអភិបាលក្រុង យល់ថា ជាដីចំការនិងជាសម្បទានរបស់អ្នកធំ ដើម្បីឲ្យប្រជាពលរដ្ឋបានផ្លូវប្រើទៅវិញ? វាមិនមែនជាចេតនាអ្នកធំប៉ុនប៉ងលេបផ្លូវសាធារណៈរបស់ប្រជាពលរដ្ឋទេឬ?
គេរង់ចាំ មើលស្ថាប័នជំនាញ ក្រសួងដែនដីនគររូបនីយ កម្មនិងសំណង់ចេញមកបំភ្លឺដើម្បីពន្លត់រឿងនេះថា តើនៅចំណុចដែលមានការតវ៉ារបស់ប្រជាពលរដ្ឋក្នុងក្រុងសិរីសោភ័ណ្ឌជាង 20 គ្រួសារនោះមានផ្លូវតាំងពីមុនដែរឬទេ? ឬជាការធ្វើសម្បទានរបស់អស់លោកអ្នកធំ ក្នុងក្រុងសិរីសោភ័ណ្ឌ? ឬមិនមែនដោយសារការតវ៉ារបស់ប្រជាពលរដ្ឋដែលត្រូវបានអ្នកកាសែតស្រែក? ឬក៏ជាថ្វី ដៃដ៏ជោគជ័យរបស់លោកអភិបាលក្រុង?៕
