ខេត្តតាកែវ៖ លោក ឡោ វីរិទ្ធិ ប្រធានមន្ទីរអប់រំ យុវជន និងកីឡាខេត្តតាកែវ បានឱ្យដឹងថា លទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ថ្ងៃទី១០ ខែសីហា ឆ្នាំ២០២៦ បេក្ខជនដែលប្រឡងជាប់មានចំនួន ៨,០៣៣នាក់ ក្នុងនោះស្រី ៤,៧៣៥នាក់។
ក្នុងចំណោមបេក្ខជនជាប់ទាំងអស់ មានសិស្សទទួលបាន និទ្ទេស A ចំនួន ៧៦នាក់ ក្នុងនោះស្រី ៤០នាក់។ តួលេខនេះថយចុះចំនួន ១០២នាក់ បើប្រៀបធៀបនឹងឆ្នាំមុន ខណៈចំនួនសិស្សស្រីនិទ្ទេស A ថយចុះ ៥៩នាក់។
លោកប្រធានមន្ទីរអប់រំបញ្ជាក់ថា ក្នុងចំណោមក្រុង-ស្រុកទាំង ១០ នៅខេត្តតាកែវ មាន ៩ក្រុង-ស្រុក ដែលមានសិស្សទទួលបាននិទ្ទេស A ខណៈ ស្រុកបូរីជលសារ គ្មានសិស្សទទួលបាននិទ្ទេស Aទេ៕
