ខេត្តកណ្ដាល៖ ជនសង្ស័យជាប្អូនប្រុសប្រើប្រាស់គ្រឿង ញៀន បានងើបពីដេកស្រែកជេរម្ដាយឪពុក គ្រាន់តែបងស្រីស្ដីបន្ទោស ក៏ទាញកាំបិ..តផ្គា..ក់គំរាមថានឹងសម្លា..ប់ទាំងអស់គ្នា។ ហេតុការណ៍មិនគួរកើតឡើងក្នុងគ្រួសារនេះ បានកើតឡើងកាលពីវេលាម៉ោង ០៨ និង ៣០នាទី ថ្ងៃទី២៩ តុលា ២០២៥ នៅក្នុងផ្ទះបងស្រី (ជនរងគ្រោះ) ស្ថិតនៅក្នុងភូមិព្រែកល្វា សង្កាត់ព្រែកតាកូវ ក្រុងអរិយក្សត្រ ខេត្តកណ្ដាល។
ប្រភពសមត្ថកិច្ចមូលដ្ឋានប្រាប់ឲ្យដឹងថា ស្ត្រីរងគ្រោះ ជាបងស្រីមានឈ្មោះ ផាត ស្រីតូច អាយុ ៤៣ឆ្នាំជន ជាតិខ្មែរ មានទីលំនៅភូមិសង្កាត់កើតហេតុ។ ចំណែកជនសង្ស័យមានឈ្មោះ ផាត ដារ៉ា ភេទប្រុស អាយុ ២៦ឆ្នាំ) (ជាប្អូនប្រុស ពិការដៃម្ខាងខាងឆ្វេង) គ្មានមុខរបរពិតប្រាកដ រស់នៅក្នុងភូមិសង្កាត់ជាមួយគ្នា។
សមត្ថកិច្ចបានបញ្ជាក់បន្ថែមថា នៅវេលាកើតហេតុ ប្អូនប្រុសដែលជាជនសង្ស័យ បានដើរចេញពីបន្ទប់ដេកមកស្រាប់តែរករឿងនិងស្រែកជេរឪពុកម្ដាយ។ ពេល នោះ បងស្រីក៏បាននិយាយស្ដីបន្ទោសទៅកាន់ប្អូនថា “ម៉េចអ្ហែងជេរឪពុកម្ដាយចឹង? ប្រយ័ត្នបាប!!” ភ្លាមនោះ ប្អូនប្រុសក៏ស្ទុះរត់ទៅយកកាំបិ..តផ្គា..ក់ ហើយស្រែកគំរាមកំហែងថា “កុំចង់ខ្លាំង!! ប្រយ័ត្នអញកាប់ងាប់ទាំងអស់គ្នា!!” ដោយនិយាយណែនាំមិនស្ដាប់ ស្ត្រីជាបងស្រី (ជនរងគ្រោះ) ក៏បានមកដាក់ពាក្យប្ដឹងនៅប៉ុស្តិ៍នគរបាលរដ្ឋបាលព្រែកតាកូវ ដោយមានលោក រ៉ន រតនៈ ជាសាក្សី។
ក្រោយទទួលបានពាក្យបណ្ដឹងភ្លាម កម្លាំងសមត្ថកិច្ចក៏បានចុះទៅដល់កន្លែងកើតហេតុ និងបាននាំខ្លួនជនសង្ស័យមកសួរនាំ។ វត្ថុតាងចាប់យករួមមាន កាំបិ. តផ្គា..ក់ដងដែកចំនួន ១។
នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានគំរា..មកំហែ..ងថានឹងសម្លា..ប់បងស្រី និងឪពុកម្តាយពិតប្រាកដមែន។
បច្ចុប្បន្ន ជនសង្ស័យរួមនិងវត្ថុតាងត្រូវបានបញ្ជូនទៅអធិការដ្ឋាននគរបាលក្រុងអរិយក្សត្រ ដើម្បីកសាងសំណុំរឿងតាមនីតិវិធី៕
