ខេត្តក្រចេះ៖ ថ្មីៗនេះមានការដាក់ឱ្យដេញថ្លៃ លើគម្រោងសាងសង់ផ្លូវបេតុងអាមេ១ខ្សែ ដែលមានប្រវែង០.៩៥គីឡូម៉ែត្រ ទទឹង៦ម៉ែត្រ និងកម្រាស់ ១៥០មីលីម៉ែត្រ ក្នុងតម្លៃប៉ានស្មាន៥៧៦.៩៨៣.៦២៩ រៀល។
ជាមួយនឹងការដាក់ឱ្យដេញថ្លៃគេឃើញមានក្រុមហ៊ុនចំនួន៣ ប៉ុណ្ណោះ ដែលបានចូលរួមប្រកួតប្រជេង និងបានបើកដំណើរឃើញថា ការដេញថ្លៃនេះ គឺបានទៅលើក្រុមហ៊ុន ម៉ៅ សារ៉េត ជាអ្នកឈ្នះ ដែលបានដេញក្នុងទឹកប្រាក់ចំនួន២៧៣.០៦០.០០០រៀលដែលជាតម្លៃទឹកប្រាក់ទាបជាងក្រុមហ៊ុនពីរផ្សេងទៀត។
តែមួយសន្ទុះក្រោយមកមិនដឹងថា អាជ្ញាធរនិងម្ចាស់ក្រុមហ៊ុនដេញថ្លៃទាំងនោះ មិនដឹងពួកគាត់ប្រើវិធីសាស្រ្តអ្វីនោះទេ បែរជាអ្នកឈ្នះទៅជាចាញ់ រីឯអ្នកចាញ់បែរជាឈ្នះទៅវិញ ហើយការដេញថ្លៃនេះគឺបានទៅលើក្រុមហ៊ុន ចាំង ម៉ានីម៉ិច ដែលជាអ្នកដេញថ្លៃក្នុងទឹកប្រាក់ខ្ពស់ ទៅជាអ្នកឈ្នះទៅវិញ ដែលមានតម្លៃរហូតដល់ ៣៩៨.០៥០.០០០រៀល។
ក្រុមហ៊ុន ចាំង ម៉ានីម៉ុិចនេះ គឺមានលោក សេង គឹមចាំង មានតួនាទីជាមេឃុំឆ្លូង គឺជាអ្នកឈរឈ្មោះដេញថ្លៃ៕
