ក្រសួងរៀបចំដែនដី នគរូបនីយកម្ម និងសំណង់ (ដ.ន.ស.) គណៈកម្មការសុរិយោដីថ្នាក់ជាតិ និងអាជ្ញាធរជាតិដោះស្រាយទំនាស់ដីធ្លី សម្រេចរក្សាទុកដីទំហំ ១៥៨ ម៉ែត្រការ៉េ ជាដីទួលអ្នកតា មានឈ្មោះថា “ទួលលោកតារ៉ាញ់” សម្រាប់ជាទីសក្ការបូជារបស់ប្រជាពលរដ្ឋ និងអនុញ្ញាតឱ្យចុះបញ្ជីចេញវិញ្ញាបនបត្រសម្គាល់ម្ចាស់អចលនវត្ថុ ជូនម្ចាស់សំណើទាំង ៣គ្រួសារ ដែលបានកាន់កាប់ប្រើប្រាស់ និងអាស្រ័យផលជាក់ស្តែងលើផ្ទៃដីទំហំ ១ ៩៣៦ម៉ែត្រការ៉េ មានទីតាំងស្ថិតនៅភូមិត្រពាំងថ្លឹង២ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ តាមនីតិវិធីសុរិយោដី។
